Í nær tvö ár hefur heimsbyggðin fylgst með sífellt versnandi og óbærilegum þjáningum almennra borgara í Palestínu með hryllingi. Sameinuðu þjóðirnar hafa lýst yfir fimmta og þar með efsta stigi hungursneyðar. Hún er alfarið manngerð af völdum Ísrael sem hefur lagt ræktanlegt landsvæði í rúst á Gaza og lokað fyrir að matvæli berist til íbúa. Samkvæmt gögnum ísraelska hersins eru 83% þeirra sem Ísrael hefur myrt almennir borgarar. Þar af eru a.m.k. 18.500 börn eða um 28 börn á hverjum einasta degi, álíka mörg og heill bekkur í grunnskóla á hverjum degi.
Þjóðarmorð stendur yfir af hálfu Ísraelsríkis gagnvart palestínsku þjóðinni. Stríðsglæpi Ísraels verður að stöðva.
Ríkisstjórn Íslands hefur líkt og aðrar ríkisstjórnir vestrænna ríkja ekki brugðist við glæpum Ísraels í samræmi við alvarleika þeirra. Nú hafa heildarsamtök launafólks, verkalýðsfélög, mannúðarsamtök, fagfélög og önnur samtök tekið saman höndum til að halda mótmælafundi um land allt þar sem almenningur kemur saman til að sýna samstöðu sína með Palestínsku þjóðinni og krefjast þess að íslensk ríkisstjórn grípi til alvöru aðgerða til að sýna afstöðu sína gegn þjóðarmorðinu!
Við höfnum þjóðarmorði og brotum Ísraels á alþjóðalögum. Tími yfirlýsinga og undanbragða er liðinn, tími aðgerða er runninn upp!
Fjölmennum á Austurvöll þann 6. september klukkan 14.00 og krefjumst tafarlausra og markvissra aðgerða íslenskra stjórnvalda gegn þjóðarmorðinu!
Dagskrá verður kynnt í aðdraganda fundar.
Þátttökufélög;
Aflið – samtök fyrir þolendur ofbeldis
Aldan – stéttarfélag
Amnesty International
ASÍ
Bandalag íslenskra listamanna
Barnaheill
BHM
BSRB
ByggIðn
Courage International
Dögun – Ungir Sósíalistar á Akureyri
Druslugangan
Dýrið – Félag um réttinn til að mótmæla
Efling
Eining-Iðja
Félag fornleifafræðinga
Félag tæknifólks
Félag þjóðfræðinga
Félagið Ísland-Palestína
Feminísk fjármál
Hagsmunasamtök brotaþola
Hið íslenska náttúrufræðifélag
Íslandsdeild ICOM, Alþjóðaráðs safna
Kennarafélag Íslands
Kvenréttindafélag Íslands
Landvernd
Mannfræðifélag Íslands
Ofbeldisforvarnaskólinn
Rafiðnaðarsamband Íslands
Röskva
Samtökin 78
Sjómannafélag Eyjafjarðar
Skerpa
Stígamót
Töfrateymið
Ungir umhverfissinnar
Vitund – Samtök gegn kynbundnu ofbeldi
Verkalýðsfélagið Hlíf
VR
Vitund – samtök gegn ofbeldi
Þroskahjálp
Listinn er ekki tæmandi.
Vill þitt félag eða samtök taka þátt? Skráning hér: